Ներկայիս նախընտրական շրջանում կուսակցություններն ինչու՞ են խուսափում ղարաբաղյան թեմայից, ինչպես սատանան խնկից: Հայաստանի բոլոր նախկին ընտրությունները գրեթե ամբողջովին կառուցվել են ղարաբաղյան թեմատիկայի վրա, իսկ այժմ այսպիսի լռություն է: Հայաստա՞նն է փոխվել, թե՞ ղարաբաղյան թեման է աշխարհում ոչ ակտուալ դարձել: Ըստ ամենայնի, եւ մեկը, եւ մյուսը:

ՀՀ Ազգային ժողովի փառապանծ պատգամավոր Սամվել Ալեքսանյանի նախընտրական շտաբը տարածել է հայտարարություն, ըստ որի կանայք, որոնք Մալաթիա-Սեբաստի համայնքում կիրակի օրը հարձակվել են Նիկոլ Փաշինյանի վրա եւ խոչընդոտել նախընտրական քարոզարշավը, կապ չունեն շտաբի հետ եւ դա արել են ինքնաբուխ: Շտաբը հայտարարել է, թե նրանց «հունից հանել է» այն, որ Նիկոլի տարածած թղթերում նշվել է Սամվել Ալեքսանյանի մականունը՝ Լֆիկ, եւ նրանք փորձել են կրծքով պաշտպանել պատգամավորի պատիվը:

Հայաստանի հանրապետական կուսակցության պատգամավոր և պատգամավորության թեկնածու Հովհաննես Սահակյանը վաղաժամ և ժամանակավրեպ է համարում ապրիլի 14-ին Մոսկվայի տանը՝ ընտրողների հետ հանդիպման ժամանակ, ապագա կառավարության ձևավորման մասին «Բարգավաճ Հայաստան» կուսակցության անդամ Վարդան Օսկանյանի հայտարարությունները՝ ավելացնելով, որ Օսկանյանը հոգեվարքի մեջ է:

Հայաստանի առաջնահերթությունը Հավաքական անվտանգության պայմանագրի կազմակերպությունն է: Այս մասին Независимая газета-ին տված հարցազրույցում հայտարարել է Հայաստանի Հանրապետության վարչապետ Տիգրան Սարգսյանը` պատասխանելով հարցին, թե ծրագրվում է արդյոք Հայաստանը Հյուսիսատլանտյան դաշինքի հետ հարաբերությունների մերձեցում:

Խորհրդարանի ընտրության գործընթացի ծավալման, այդ ընթացքում ներիշխանական հակասությունների գեներացման, ինչպես նաեւ հեռանկարում նախագահի 2013 թվականի դիտարկման համատեքստում, բնականորեն աշխուժացել են վերլուծություններն ու կանխատեսումները Ռոբերտ Քոչարյանի դերակատարության վերաբերյալ: